<\/p>\n
<\/p>\n
Yozyovon tumani iste\u02bcmolchilar huquqlarini himoya qilish jamiyati tomonidan amaldagi qonunlar va qonunosti hujjatlari, Federatsiya Ustavi bilan belgilab berilgan vazifalar ijrosini ta\u02bcminlash borasida tizimli asosda ishlar olib borilmoqda. Tuman jamiyatiga fuqarolar iste\u02bcmolchilik sohasiga oid turli masalalarda yozma, og`zaki va elektron shaklda murojaat qilishlari mumkin. Keling, tuman jamiyatiga iste\u02bcmolchilardan o`z shaxsiy avtomobillarini ekspluatatsiya qilish jarayonida yuzaga kelgan muammolar yuzasidan joriy yil boshidan buyon o`tgan davr ichida kelib tushgan ikkita murojaat va ularni o`rganib chiqilishi natijalari bilan tanishaylik.<\/p>\n
Mazkur tumanda istiqomat qiluvchi Sh.K. tuman jamiyatiga yakka tartibdagi tadbirkor U.N.J. (tadbirkor familiya, ismi, sharifi bosh harflari) tomonidan ko`rsatilgan xizmatdan norozi bo`lib yozma ravishda murojaat qilgan.<\/p>\n
Murojaatni o`rganishda ma\u02bclum bo`lishicha, iste\u02bcmolchi yuqoridagi tadbirkorga qarashli ustaxonaga o`z avtomashinasiga metan gaz moslamasini o`rnatish uchun buyurtma bergan. O`sha kunni o`zida avtomashinaga umumiy qiymati 2 600 000 (ikki million olti yuz ming) so`mga 100 litr sig`imli metan gaz moslamasi o`rnatib berilgan. Lekin avtomashina egasi tomonidan mazkur moslamadan foydalanish jarayonida uning talab darajasida ishlamayotganligi kuzatilgan. Shundan so`ng u mazkur ustaxonaga ushbu masalada murojaat qilganida, ustalardan \u201cBiz ishimizga kafolat beramiz, ballonga esa bermaymiz\u201d, degan mujmal javobni olgan. Kamiga usta unga yana yangi ballon qo`yish uchun 2 500 000 (ikki milion besh yuz ming) so`m olishini ma\u02bclum qilgan.<\/p>\n
Murojaatni o`rganish jarayonida xizmat ko`rsatuvchilarga \u201cIste\u02bcmolchilarning huquqlarini himoya qilish to`g`risida\u201dgi qonun targ`iboti qilinib, iste\u02bcmolchi va xizmat ko`rsatuvchining huquq va majburyatlari tushuntirildi va sifatsiz ballonni maqbul sifatdagisiga almashtirilishiga erishildi.<\/p>\n
Yozyovonlik yana bir iste\u02bcmolchi \u0410.V. shu tumanda avtomobillarga texnik xizmat ko`rsatish faoliyatini amalga oshiruvchi yakka tartibdagi tadbirkor M.X.R.ga (tadbirkor familiya, ismi, sharifi bosh harflari) qarashli ustaxona tomonidan ko`rsatilgan xizmatning sifatsizligidan shikoyat qilib yozma ravishda murojaat qilgan.<\/p>\n
Ma\u02bclum bo`lishicha, u ustaxonaga o`zining shaxsiy avtomobili motor qismini ta\u02bcmirlatish uchun topshirgan. Ta\u02bcmirlash ishlari tugatilib, avtomashina iste\u02bcmolchi tomonidan qabul qilib olingach, oradan 10 kun o`tar-o`tmasdan avtomashina motor qismida yana muammolar chiqqan. Iste\u02bcmolchi ustaxonaga kelib, ta\u02bcmirlash ishlarini qaytadan o`tkazilishini yoki puli qaytarilishini talab qilgan. Ustalar uning talablariga javoban hozirda aksariyat ehtiyot qismlar sifatsizligini, talab darajasida ta\u02bcmirlash va boshqa ehtiyot qismlar qo`yishlari uchun yana pul to`lashi lozimligini aytib, iste\u02bcmolchining talabini bajarmaganlar.<\/p>\n
O`rganish ishlari jarayonida amaldagi qonun talablari, unga ko`ra iste\u02bcmolchi huquqlari va xizmat ko`rsatuvchi majburyatlari yuzasidan tushuntirishlar berildi. Shundan so`ng ustaxona 3 kun ichida avtomashinani qayta ta\u02bcmirlashni o`z zimmasiga oldi.<\/p>\n