Farg`ona tuman iste\u02bcmolchilar huquqlarini himoya qilish jamiyati tomonidan Tinchlik mahalla fuqarolar yig`ini hududida yashovchi Sh.\u0410bduraxmonovning \u201cFarg`ona suv ta\u02bcminoti\u201d MChJ Farg`ona tuman filiali tomonidan qo`llanilgan 178000 (bir yuz yetmish sakkiz ming) so`m miqdoridagi qarzdorlikdan norozi bo`lib yozma ravishda qilgan murojaati o`rganildi.<\/p>\n
Tuman jamiyati mutaxassislari suv ta\u02bcminoti idorasi vakili bilan murojaatni joyida o`rganish maqsadida iste\u02bcmolchi xonadoniga tashrif buyurganlarida xonadonning toza ichimlik suvi tarmog`iga hisoblagich o`rnatilganligiga, hisoblagichning tegishli muhrlari joyidaligiga, o`rganish kunida uning ko`rsatkichi 418 m3ni ko`rsatib turganligiga guvoh bo`ldilar.
\nMa\u02bclum bo`lishicha, xonadonga 2015 yilda toza ichimlik suvi tarmog`i tortilgan. Xonadon ichimlik suvini 2016 yilning may oyiga qadar hisoblagichsiz, me\u02bcyoriy to`lov asosida iste\u02bcmol qilib kelgan, may oyidan boshlab esa to`lovlar hisoblagich ko`rsatkichlari asosida amalga oshirib borilgan.
\nMavjud to`lov qog`ozlari va hisoblagich ko`rsatkichlari asosida joyida o`tkazilgan qayta hisob-kitoblar, hattoki, iste\u02bcmolchining o`rganish o`tkazish kuniga 58 m3 ga yoki 38860 (o`ttiz sakkiz ming sakkiz yuz oltmish) so`mga haqdorligi yoxud oldindan to`lovdaligini ko`rsatdi. Xo`sh, unda qarzdorlik qayerdan keldi?!
\nIste\u02bcmol qilingan ichimlik suvini hisoblagich uskunasi xonadonga 2016 yilning may oyida o`rnatilganligini yuqorida aytib o`tdik. Ziyrak o`quvchi darrov sezganidek, maishiy iste\u02bcmolchilar xonadonlariga o`rnatilgan hisoblagichlarni har 4 yilda bir marotaba davlat qiyoslov ko`rigidan o`tkazilishi kerak edi (bu 2020 yilning iyun oyiga qadar amalda bo`lgan qoidalarga ko`ra, Vazirlar Mahkamasining 28.05.2020 yildagi 342-sonli qarori bilan kiritilgan o`zgartirishlarga muvofiq esa jismoniy shaxslar uchun bu muddat 8 yil qilib belgilangan). Xonadondagi hisoblagichning davriy qiyoslov ko`rigidan o`tkazish muddati esa 2020 yilning may oyiga to`g`ri kelgan. \u0410malda ushbu muddat o`tib bo`lgach, ichimlik suvini yetkazib beruvchi korxona shuni asos qilib, qayta hisob-kitob ishlarini o`tkazgan. Ko`ribsizki, hozirgina haqdor bo`lib turgan iste\u02bcmolchi endi qarzdor. Lekin Siz bu yerda iste\u02bcmolchi nohaq ekanda, deb xulosa qilishga shoshilmang.
\nO`zbekiston Respublikasi Vazirlar Mahkamasining 15.07.2014 yildagi 194-sonli qarorini 69-bandida, suvni hisobga olish asbobidan foydalanishning cheklangan muddati tugashidan kamida 30 kalendar kun avval ISKX tashkiloti iste\u02bcmolchiga shartnomada ko`rsatilgan tartibda (pochta orqali, shaxsan, elektron pochta vositasida, ijtimoiy tarmoqlar yordamida va hokazo) ogohlantirish xati jo`natadi. Unda suvni hisobga olish asbobidan foydalanish muddati tugayotganligi qayd etiladi, iste\u02bcmolchi uchrashishi kerak bo`lgan shaxs, manzil, telefon raqami va elektron manzili ko`rsatiladi, deb belgilab qo`yilgan.
\n\u0410gar korxona tegishli tartibda iste\u02bcmolchiga ogohlantirish xati bermagan bo`lsachi? Mazkur bandning to`rtinchi xatboshiga qaraymiz, unda belgilanishicha, belgilangan tartibda ogohlantirish xati berilmaganda muddati tugagan hisobga olish pribori orqali iste\u02bcmol qilingan ichimlik suvi uchun qaytadan hisob-kitob qilish qat\u02bciyan man etiladi.
\nYuqoridagi holatda esa hamma balo iste\u02bcmolchining tegishli tartibda ogohlantirilmaganida. Ogohlantirilmagan ekan, demak Qoidalarga ko`ra, qayta hisob-kitob ham o`tkazilmasdan, hisob-kitob ishlari xonadondagi mavjud hisoblagich ko`rsatkichlari asosida olib borilishi kerak.
\nO`rganish natijalariga ko`ra, yuqoridagi holatlarning barchasi hisobga olinib, hisob-kitobni hisoblagichning amaldagi ko`rsatkichi asosida yuritilishiga va iste\u02bcmolchi zimmasidan qarz yuki xalos etilib, uning to`lovlar bo`yicha haqdor ekanligini tan olinishiga erishildi.
\nBu haqda iste\u02bcmolchiga yozma ravishda ma\u02bclum qilindi.<\/p>\n