Isteʼmolchilik ijtimoiy harakati aʼzolari safi kengaymoqda

Oltiariq tuman isteьmolchilar huquqlarini himoya qilish jamiyati tomonidan Federatsiyaning hududdagi korxona, tashkilot, idora va muassasalarda tashkillangan tayanch guruhlari (boshlang`ich tashkilotlari)da, shuningdek mahalla fuqarolar yig`inlarida turli mavzularda maʼnaviy-maʼrifiy tadbirlar, tuman jamiyati raisi B.Аbduraxmonovning sayyor qabullari, aholi bilan yuzma-yuz muloqotlari o`tkazib borilmoqda.
Shuning bilan birgalikda, hududda joylashgan boshqa korxona, tashkilot, idora va muassasalarda ham tizimli asosda amaldagi isteʼmolchilarning huquqlarini himoya qilish to`g`risidagi qonun hujjatlarining mazmun-mohiyati to`g`risida tushuntirish va targ`ibot ishlari olib borilmoqda. Shunday tadbirlardan biri Qo`qon mintaqaviy temir yo`l uzeli Oltiariq temir yo`l stantsiyasi ishchi-xodimlari o`rtasida tashkillanib, unda tashkilot ishchi-xodimlariga amaldagi qonunchilik mazmun-mohiyati yuzasidan tushuntirishlar berish barobarida, yurtimizda isteʼmolchilik ijtimoiy harakati, uning bugungi kundagi holati, istiqboldagi rejalar xususida atroflicha maʼlumotlar berib o`tildi. O`tkazilgan tadbir yakunlariga ko`ra, tashkilot ishchi-xodimlari isteʼmolchilik ijtimoiy harakatida, shuningdek isteʼmolchilarning huquqlariga oid qonunchilik ijrosi ustidan keng qamrovli jamoatchilik nazoratini olib borish ishlarida faol ishtirok etish istagini bildirdilar.

Dilobar Dadaxonova
Oltiariq tuman IHHQ jamiyati mutaxassisi