Iste’molchilik ijtimoiy harakati yanada rivojlanishi uchun unda jamoatchilikning keng ishtirokini ta’minlanishi zarur

Hududiy birlashma raisi Axrorjon Raxmonaliev tashkilotning 2021 yil asosiy faoliyat yo‘nalishlari rejasiga asosan hududlardagi korxona, tashkilot, idora va muassalarida tashkillangan va Federatsiya faoliyatida munosib ishtirok etib kelayotgan tayanch guruhi faollari bilan uchrashuvlar o‘tkazib bormoqda.

Yuqoridagi reja asosida Quva hamda Farg‘ona tumanlarida o‘tkazilgan uchrashuvlar xususida xabar berib o‘tgan edik. Xuddi shu tadbirlar bugun Toshloq tumanida davom ettirildi.

Hududiy birlashma raisi Federatsiyaning hududdagi ijro etuvchi organlari tomonidan o‘tkazilayotgan tadbirlar samaradorligini o‘rganish, Federatsiya tizimidagi tayanch guruhlari faoliyati yaqindan tanishish maqsadida Toshloq tumanida bo‘lib, Xalq ta’limi va Maktabgacha ta’lim muassasalari bo‘limlari rahbarlari bilan ham uchrashdi.

Uchrashuvlarda iste’molchilarning huquq va manfaatlarini himoya qilish, ularning huquqiy bilim saviyasi va iste’mol madaniyatini oshirish, ichki bozorda sotilayotgan iste’mol tovarlari va ko‘rsatilayotgan xizmatlarning zarur sifati va xavfsizligini hamda iste’molchilar huquqlarini himoya qilish to‘g‘risidagi qonun hujjatlarining boshqa talablarini ta’minlash, ishchi-xizmatchilarning iste’molchilarning huquqlarini himoya qilish to‘g‘risidagi qonunchilik ustidan olib boriladigan jamoatchilik nazoratida faol ishtirokini ta’minlash maqsadida tumanda iste’molchilik ijtimoiy harakatini yanada rivojlantirish hamda bu borada yaqindan ijtimoiy sheriklik va hamkorlik olib borish masalalari muhokama qilindi.

Hududiy birlashma Axborot xizmati