Zargarlik buyumlarini sotib olishda  nimalarga e’tibor berish kerak?

O‘zbekiston qonunchiligiga ko‘ra, alohida jixozlangan zargarlik do‘koni bo‘lmasa, oltin, kumush yoki qimmatbaho toshlardan yasalgan buyumlarni oddiy savdo do‘konida sotish mumkin emas — ya’ni bu turdagi buyumlar faqat maxsus zargarlik do‘konlari, savdo markazlarida yoki bo‘lim-seksiyalarda sotilishi mumkin.

Sotuvchi bunday do‘konda xaridorga quyidagilarni aniq ko‘rsatishi shart: buyumning nomi, metali, asillik darajasi, ishlov berish usuli, qimmatbaho toshning sifati va narxi — ya’ni «tovar yorlig‘i» bo‘lishi kerak.

Agar buyum O‘zbekistonda ishlab chiqarilgan bo‘lsa, u davlatning asillik darajasi tamg‘asi bilan tamg‘alanishi lozim, va agar xorijda ishlab chiqarilib sotish uchun keltirilgan bo‘lsa — xalqaro tamg‘alar yoki qator ma’lumotlar bo‘lishi zarur.

Sotuvchilar uchun mas’uliyat katta: agar ular tamg‘alash yoki axborot berishda xato qilsa, birinchi marta — buyum narxining 50 % miqdorida jarima, takrorlansa — 100 % miqdorida jarima va mahsulot musodara qilinishi mumkin («Qimmatbaho metallar va qimmatbaho toshlar to‘g‘risida»gi qonun 33-moddasi).

Maslahat:

Zargarlik do‘koniga kirganda — yorliq va tamg‘alarni sinchkovlik bilan tekshiring. Agar nom, metall yoki asillik ko‘rsatilmagan bo‘lsa — sotib olmaslik afzalroq. Bu talablar sizni aldovdan himoya qiladi!

Adxamjon Xamidov,
Quva tuman jamiyati raisi.