Iste’molchilik ijtimoiy harakatini faol rivoj topishidan barcha manfaatdordir

Hududiy birlashmaning 2021 yil asosiy faoliyat yo‘nalishlari rejasiga asosan hududlardagi korxona, tashkilot, idora va muassalarida tashkillangan va Federatsiya faoliyatida munosib ishtirok etib kelayotgan tayanch guruhi faollari bilan hududiy birlashma raisining uchrashuvlarini o‘tkazish belgilangandi.

O‘tgan davr mobaynida asosiy faoliyat yo‘nalishlari rejasi ijrosini ta’minlash maqsadida tizimda «Targ‘ibot oyligi» o‘tkazildi, hozirda esa «Tayanch guruhlari bilan ishlash oyligi» tadbirlari davom etmoqda.

Hududiy birlashma raisi Axrorjon Raxmonaliev ana shu o‘tkazilayotgan tadbirlar samaradorligini o‘rganish, Federatsiya tizimidagi tayanch guruhlari faoliyati bilan tanishish maqsadida Quva tumanida bo‘lib, Xalq ta’limi, Maktabgacha ta’lim muassasalari bo‘limlari va Tibbiyot birlashmasi rahbarlari bilan ham uchrashdi.

Uchrashuvlarda iste’molchilarning huquq va manfaatlarini himoya qilish, ularning huquqiy bilim saviyasi va iste’mol madaniyatini oshirish, ichki bozorda sotilayotgan iste’mol tovarlari va ko‘rsatilayotgan xizmatlarning zarur sifati va xavfsizligini hamda iste’molchilar huquqlarini himoya qilish to‘g‘risidagi qonun hujjatlarining boshqa talablarini ta’minlash, ishchi-xizmatchilarning iste’molchilarning huquqlarini himoya qilish to‘g‘risidagi qonunchilik ustidan olib boriladigan jamoatchilik nazoratida faol ishtirokini ta’minlash maqsadida tumanda iste’molchilik ijtimoiy harakatini yanada rivojlantirish hamda bu borada yaqindan ijtimoiy sheriklik va hamkorlik olib borish masalalari muhokama qilindi.

Hududiy birlashma Axborot xizmati