Ishchi guruhi tomonidan qurilish ob’ektlaridagi o‘rganish ishlari davom ettirildi

Hududiy birlashma ishchi guruhi tomonidan Uchko‘prik tumani hududida qurib foydalanishga topshirilgan hamda bugungi kunda qurilish ishlari davom ettirilayotgan qurilish ob’ektlari (bino, inshoot, turar joy binolari, yengil turdagi qurilmalar, vaqtinchalik qurilmalar)ning qurilish normalari va qoidalari, shaharsozlik to‘g‘risidagi qonun hujjatlariga mosligini o‘rganish bo‘yicha jamoatchilik nazorati tartibida o‘rganishlar davom ettirilmoqda.

Ishchi guruhi bugun mazkur hududdagi bir necha qurilish ob’ektlarida bo‘lib, ushbu ob’ektlarda tegishli me’yoriy hujjatlarning mavjudligi, sifati va texnik reglamentlarga mosligi, qurilishda ishlatilayotgan materiallar va buyumlarning sertifikatlanganlik holati, muhofaza etiladigan tabiiy hududlarni saqlash talablariga rioya etilishi, mazkur ob’ektlardan imkoniyati cheklangan shaxslarning moneliksiz foydalanishlari uchun yaratilayotgan sharoitlar, ekologiya va atrof muhit xavfsizligi talablariga amal qilinishi va boshqa shu kabi talablar ijrosini ta’minlanganligi holatlari bilan tanishdilar.

Hududiy birlashma Axborot xizmati