Targ‘ibot va tashviqot ishlarini yanada jonlantirish maqsadida trening mashg‘uloti o‘tkazildi

Hududiy birlashma tizimida mehnat faoliyati olib borayotgan xodimlar malakasini oshirish bo‘yicha tashkillangan navbatdagi tadbir matbuot va axborot mutaxassislari ishtirokida o‘tkazildi.

Tadbir ishtirokchilari hududiy birlashmaning doimiy hamkorlaridan biri, Davlat xizmatlari agentligi Farg‘ona viloyat boshqarmasi Axborot xizmati rahbari Elyorjon Ehsonovdan qiziqarli mavzuda ma’ruza tinglab, o‘zlarini qiziqtirgan savollariga javoblar oldilar.

Tadbir doirasida joriy yilda matbuot va axborot yo‘nalishida faoliyat olib boryotgan xodimlar oldida turgan dolzarb vazifalar, tizimda olib borilayotgan ishlarni ommaviy axborot vositalari va ijtimoiy tarmoqlarda yoritish bo‘yicha uslubiy ko‘rsatma va yo‘l-yo‘riqlar, iste’molchilarning huquqiy bilimi va iste’mol madaniyatini oshirish yo‘nalishida o‘tkaziladigan tadbirlar muhokamasi ham o‘tkazildi.

Hududiy birlashma Axborot xizmati