Мактабгача таълим ташкилотида тадбир ўтказилди

Қўқон шаҳридаги 17-мактабгача таълим ташкилотида ўтказилган давра суҳбати “Истеъмолчи ҳуқуқлари қонун ҳимоясида” мавзусида бўлди.

Тадбирда иштирокчиларга Ўзбекистон Республикасининг “Истеъмолчиларнинг ҳуқуқларини ҳимоя қилиш тўғрисида”ги Қонуни мазмун-моҳияти юзасидан атрофлича тушунтиришлар бериб ўтилди. Таъкидландики, қонун ижросини таъминлашда кенг жамоатчиликнинг иштироки зарур, шу нуқтаи назардан ҳам Вазирлар Маҳкамасининг 2002 йил 28 ноябрдаги “Истеъмолчилар ҳуқуқларини ҳимоя қилишда жамоатчилик иштирокини кенгайтириш чора-тадбирлари тўғрисида”ги 414-сонли қарори қабул қилинган. Мазкур қарор билан юртимизда истеъмолчиларнинг қонуннинг 4-моддасида кўрсатиб ўтилган асосий ҳуқуқларидан бири – истеъмолчилар жамоат бирлашмаларини тузиш ҳуқуқлари рўёбга чиқарилганлиги, яъни Ўзбекистон истеъмолчилар ҳуқуқларини ҳимоя қилиш жамиятлари федерацияси ташкил топганлиги эътироф этиб ўтилган эди.

Тадбир доирасида иштирокчиларни қизиқтирган саволларга Қўқон шаҳар жамияти масъул ходимлари томонидан батафсил жавоблар қайтарилди.

Асроржон Маматқулов
Қўқон шаҳар ИҲҲҚ жамияти мутахассиси