Ҳуқуқий билимлар оширилди

Тошлоқ туман Санитария-эпидемиологик осойишталик ва жамоат саломатлиги хизмати ходимлари иштирокида бўлиб ўтган давра суҳбати “Истеъмолчиларнинг ҳуқуқларини ҳимоя қилиш тўғрисида”ги қонуннинг мазмун-моҳиятига бағишланди.

Унда ҳар бир инсон истеъмолчи сифатида қандай ҳуқуқ ва мажбуриятларга эга эканлиги, соҳага юртимизда қаратилаётган эътибор, инсонларнинг манфаатларини кўзлаб олиб борилаётган сайъ-ҳаракатлар ҳақида сўз борди. Шунингдек истеъмолчи сифатида фуқароларнинг ҳуқуқ ва мажбуриятлари бузилган тақдирда Федерация ва унинг ҳудудий органларига мурожаат қилиш йўл-йўриқлари ҳам тушунтирилди.

Ўз навбатида бўлим ходимлари соҳага оид ўзларини қизиқтирган саволларга ҳам мутахассисларимиздан керакли жавобларни олдилар.

Ҳуснидахон Якубова
Тошлоқ туман ИҲҲҚ жамияти мутахассиси