Фуқаролар мурожаатлари жамият эътиборида

Қува туман истеъмолчилар ҳуқуқларини ҳимоя қилиш жамияти томонидан тумандаги 35-ўрта таълим мактабида ташкилланган ўқув семинари “Фуқаролар мурожаатлари жамият эътиборида” деб номланди.

Тадбир доирасида йиғилганларга Ўзбекистон Республикасининг “Истеъмолчиларнинг ҳуқуқларини ҳимоя қилиш тўғрисида”ги хамда “Жисмоний ва юридик шахсларнинг мурожаатлари тўғрисида”ги Қонунлар тарғиботи ўтказилди.

Шунинг биргаликда, юқоридаги қонунлар ижросини таъминлаш, уларнинг ижроси устидан жамоатчилик назорати олиб бориш, истеъмолчиларнинг ҳуқуқ ва манфаатларини ҳимоя қилиш, уларнинг ҳуқуқий билим савияси ва истеъмол маданиятини ошириш борасида Федерация ва унинг ҳудудий органлари томонидан амалга оширилаётган ишлар хусусида ҳам ахборотлар бериб ўтилиб, тадбир иштирокчиларининг соҳага оид масалалардаги саволларига жавоблар қайтарилди.

Феруза Умурзақова
Қува туман ИҲҲҚ жамияти мутахассиси