Kir yuvish mashinasi bo‘yicha murojaat o‘rganildi va muammo joyida bartaraf etildi

Farg‘ona shahrida istiqomat qiluvchi iste’molchi Yu.A. tomonidan kir yuvish mashinasida yuzaga kelgan nosozlik holati yuzasidan murojaat kelib tushdi. Murojaatda qayd etilishicha, mazkur maishiy texnika foydalanish jarayonida nosoz holatga kelib, iste’molchini norozi qilgan. Ushbu holat yuzasidan tegishli tartibda o‘rganish ishlari tashkil etildi.

Farg‘ona shahar iste’molchilar huquqlarini himoya qilish jamiyati mutaxassislari tomonidan murojaat joyiga chiqqan holda o‘rganish olib borildi. Jumladan, shahardagi “Baraka savdo” do‘koni rahbari hamda servis xizmati xodimlari ishtirokida holat atroflicha tahlil qilindi. Tekshiruv jarayonida kir yuvish mashinasi texnik ko‘rikdan o‘tkazilib, mahsulotda ishlab chiqaruvchi tomonidan yo‘l qo‘yilgan defekt (brak) mavjud emasligi qayd qilindi.

Shu bilan birga, muammo sababi aniqlanib, uskunaning suv tortish qismidagi nosozlik servis xizmati tomonidan bartaraf etildi. Natijada iste’molchining murojaati joyida hal etildi va iste’molchiga amaldagi qonunchilik doirasida tegishli tushuntirish va tavsiyalar berildi.

Mansurjon Toshkanov,
jamiyat mutaxassisi.