Iste’molchilik huquqlaringizni bilasizmi?

Beshariq tumanidagi 21-maktabgacha ta’lim muassasasi tarbiyachilari ishtirokida “Iste’molchilik huquqlaringizni bilasizmi?» mavzusida o‘quv seminari o‘tkazildi.

Tadbir davomida yig‘ilganlarga O‘zbekiston Respublikasining “Iste’molchilarning huquqlarini himoya qilish to‘g‘risida”gi xamda “Jismoniy va yuridik shaxslarning murojaatlari to‘g‘risida”gi Qonunlar mazmun-mohiyati yuzasidan tushuntirishlar berib o‘tildi.

Shuning birgalikda, yuqoridagi qonunlar ijrosini ta’minlash, ularning ijrosi ustidan jamoatchilik nazorati olib borish, iste’molchilarning huquq va manfaatlarini himoya qilish, ularning huquqiy bilim saviyasi va iste’mol madaniyatini oshirish borasida Federatsiya va uning hududiy organlari tomonidan amalga oshirilayotgan ishlar xususida ham axborotlar berib o‘tilib, tadbir ishtirokchilarining sohaga oid masalalardagi savollariga javoblar qaytarildi.

Shu kuni tumandagi 51-maktabgacha ta’lim muassasasida «Yuksak iste’mol madaniyati sari» mavzusida ham tadbir tashkillandi va o‘tkazildi.

Baxtiyor Juraev
Beshariq tuman IHHQ jamiyati mutaxassisi