Истеъмолчининг ўттиз уч миллион сўмлик муаммоси бартараф қилинди

Бешариқ тумани Истеъмолчилар ҳуқуқларини ҳимоя қилиш жамиятида Қашқадарё вилояти Нишон туманида истиқомат қилувчи Э.У.нинг Бешариқ туманида фаолия олиб бораётган корхонадан 33 000 000 сўмга харид қилинган ғишт ишлаб чиқариш аппаратидан кўзланган мақсадда фойдалана олмаётганлиги хусусида Ўзбекистон Республикаси Бош прокуратураси ишонч телефонига қилган мурожаати ўрганилди.

Ўрганишда маълум бўлишича, хом ғишт маҳсулотини тайёрлаб берувчи ускуна (жихоз) 2025 йилнинг 15 март кунида туман ҳудудида фаолият олиб бораётган “Технология олами” МЧЖда ишлаб чиқарилган бўлиб, ускунага бир йиллик кафолат муддати белгиланган. Истеъмолчи ускунани олиб кетишидан олдин унинг ишлаш жараёни, хавфсизлик техникаси ҳамда бевосита маҳсулот тайёрланиши жараёни билан таништирилган. Лекин кейинчалик ундан фойдаланиши жараёнида ускунанинг лой аралаштиргич қисми яхши ишламай қолганида, ишлаб чиқарувчи тавсия асосида уни олиб ташлаб фойдаланганида лой кесадиган ускуна синган. Ишлаб чиқарувчидан бу борада олинган қўшимча тавсияларни қўллаб кўриш жараёнида двигателнинг ортиқча кучаниб ишлаши натижасида қизиб кетиши кузатилгач, яна қўшимча муаммолар келиб чиқмаслиги учун ундан фойдаланишни тўхтатган.

Мурожаатни ўрганилиши жараёнида туман жамияти томонидан ишлаб чиқарувчи корхонага амалдаги қонунчилик талабларини ўзида акс эттирган алоқа хати киритилди. Корхона томонидан тақдим қилинган жавоб хатида корхона вакили истеъмолчи яшаш манзилига ташриф буюриб, техник носозликлар саббаларини ўрганилганлиги, алмаштирилши лозим бўлган қисмлар қайтадан монтаж қилиб янгисига алмаштирилганлиги, истеъмолчи иштирокида текширилиб, унга соз ҳолатда топширилганлиги маълум қилинди.

Хамиджон Ахмедов,
туман жамияти раиси.

(фото сунъий интеллект ёрдамида яратилган)