Қайтим учун майда пул етишмовчилигининг сабаблари нимада? || Мутахассис изохи

Маълумки, бугунги кунда товар (иш, хизмат)лар ҳақини тўлашда нақд пулсиз кўринишдаги тўловларнинг шакллари ва уларнинг умумий тўловлардаги улуши кундан-кунга ортиб бормоқда. Лекин мамлакатимизда нақд пулли асосдаги ҳисоб-китоблар ҳали-ҳануз долзарблигини йўқотгани йўқ.

Хўп, шундай экан, савдо ва хизмат кўрсатиш объектларида олди-сотди амалга оширилгач (хизматлар кўрсатилгач) қайтим қайтариш учун майда пуллар етарлими? Етарли бўлса, нега жойларда қайтимни пул (танга) билан эмас, балки турли товарлар (сақич, конфет, гугурт, қурут, таблетка) билан ҳисоб-китоб қилиш ҳоллари учраб қолмоқда. Биз шу масалага аниқлик киритиш учун Марказий банк вилоят бош бошқармасига ташриф буюрдик ва мутахассисдан саволларимизга жавоб олдик.

Ғайрат Маматкулов
Ҳудудий бирлашма Ахборот хизмати раҳбари,
мустақил тадқиқотчи