Бошланғич ташкилотлар масъуллари билан юзма-юз мулоқотлар ўтказилмоқда

Ҳудудий бирлашманинг асосий фаолият йўналишлари режасига асосан ҳудудлардаги корхона, ташкилот, идора ва муассаларида ташкилланган ва Федерация фаолиятида муносиб иштирок этиб келаётган таянч гуруҳи фаоллари билан ҳудудий бирлашма раҳбар ходимларининг учрашувлари ўтказиб борилаётганлиги хусусида хабарлар бериб боряпмиз.

Ҳудудий бирлашма раиси ўринбосари Дилшоджон Фозилов ва бошқа масъулларнинг навбатдаги учрашувлари Қўштепа туманида давом эттирилди. Тумандаги таянч гуруҳлари билан олиб борилаётган ҳамкорлик самарадорлигини ўрганиш, бошланғич ташкилотлар фаолияти билан танишиш ҳамда уларни қийнаб турган муаммоларни ўрганиш мақсадида туман халқ таълими, мактабгача таълим ва Ободонлаштириш бўлимларида ташкилланган таянч гуруҳлари раҳбар ва масъул ходимлари билан учрашилди.

Учрашувларда истеъмолчиларнинг ҳуқуқ ва манфаатларини ҳимоя қилиш, уларнинг ҳуқуқий билим савияси ва истеъмол маданиятини ошириш, ички бозорда сотилаётган истеъмол товарлари ва кўрсатилаётган хизматларнинг зарур сифати ва хавфсизлигини ҳамда истеъмолчилар ҳуқуқларини ҳимоя қилиш тўғрисидаги қонун ҳужжатларининг бошқа талабларини таъминлаш, ишчи-хизматчиларнинг истеъмолчиларнинг ҳуқуқларини ҳимоя қилиш тўғрисидаги қонунчилик устидан олиб бориладиган жамоатчилик назоратида фаол иштирокини таъминлаш мақсадида туманда истеъмолчилик ижтимоий ҳаракатини янада ривожлантириш ҳамда бу борада яқиндан ижтимоий шериклик ва ҳамкорлик олиб бориш масалалари муҳокама қилинди.

Ҳудудий бирлашма Ахборот хизмати