Товар ҳақида истеъмолчига тўлақонли маълумот берилмаганлиги уни сотувчига қайтарилишига сабаб бўлди

Қувасой шаҳар истеъмолчилар ҳуқуқларини ҳимоя қилиш жамиятида шаҳарнинг Сарбазор кўчасида яшовчи Э.Ю.нинг дўкондан 1 158 000 сўмга харид қилинган электр иситгичларнинг нуқсонли чиққанлиги ва сотувчи уни алмаштири, бериш ишларини пайсалга солаётганлиги хусусидаги мурожаати ўрганилди.

Истеъмолчининг сўзларига кўра, дўкондан харид қилиб олиб келинган иситгичлар 3 кун ишлагандан сўнг уларда носозлик кузатилиб яхши ишламаган. Сотувчига уларни мақбул сифатдагисига алмаштириб бериш бўйича қўйган қонуний талаби эса қаноатлантирилмаган.

Ўрганиш доирасида электр иситгичлар меъёрдагидан пастроқ кучланишда яхши ишламаслиги, олди-сотди жараёнида харидорга бу ҳақда тушунтиришлар берилмагани маълум бўлди. Томонларга амалдаги қонунчилик талаблари тушунтирилиб, товар сотувчига, улар учун тўланган пул суммаси эса истеъмолчига қайтарилди.

Фарходжон Хайдаров,
шаҳар жамияти раиси.