Tuman jamiyati mutasaddilari tibbiyot xodimlari bilan uchrashdilar

Quva tumani iste’molchilar huquqlarini himoya qilish jamiyati mutasaddilari Xonobod qishloq vrachlik punktida mehnat faoliyati olib borayotgan tibbiyot xodimlari bilan uchrashib, ular ishtirokida targ‘ibot tadbiri o‘tkazdilar.

Tadbirdan ko‘zlangan maqsad hududiy birlashmaning manfaatdor tashkilotlar bilan imzolagan hamkorlikdagi chora-tadbirlar rejalari asosida hududdagi tibbiyot muassalari bilan xodimlarning iste’molchilik huquqlarini himoya qilish, ularning huquqiy bilimi va iste’mol madaniyatini oshirish borasida keng qamrovli hamkorlik va ijtimoiy sheriklikni yo‘lga qo‘yishdan iboratdir.

Tadbir davomida ishtirokchilarga amaldagi qonunchilik asoslari, bu boradagi Hukumat qarorlari, ularning ijrosini ta’minlashda keng jamoatchilikning ishtirokini ta’minlash kabi masalalarda tushuntirishlar berildi, fikr va mulohazalar almashildi.

Shuning bilan birgalikda, iste’molchilik sohasiga oid masalalarda huquqlari buzilgan taqdirda Federatsiya va uning hududiy tashkilotlariga murojaat qilish tartiblari ham tushuntirildi.

Feruza Umurzaqova
Quva tuman IHHQ jamiyati mutaxassisi