Marg‘ilon shahar jamiyatining hisobot davridagi faoliyati sarhisob qilindi

Viloyat konferensiyasi oldidan Marg‘ilon shahrida ham iste’molchilar huquqlarini himoya qilish jamiyatining umumiy yig‘ilishi o‘tkazildi.

Yig‘ilishda hisobot davrida iste’molchilarning huquq va manfaatlarini himoya qilish, ularning huquqiy bilimi va iste’mol madaniyatini oshirish yo‘lida olib borilgan ishlar tahlil qilinishi barobarida istiqboldagi vazifalar ham belgilab olindi.

Shuningdek, Federatsiyaning hududdagi tayanch guruhlari faollari ichidan hududiy birlashmaning navbatdagi konferensiyasida ishtirok etuvchi 5 nafar vakil ham saylab olindi.

Umumiy yig‘ilish ishida hududiy birlashma sektor boshlig‘i G‘.Mamatqulov ishtirok etdi.

Saidxon Xapizov
Marg‘ilon shahar IHHQ jamiyati mutaxassisi