Muloqotlar davom etadi

O‘zbekiston tuman iste’molchilar huquqlarini himoya qilish jamiyati mutaxassislarining hududdagi ta’lim muassasalarida ishchi-xodimlar bilan shtkazayotgan yuzma-yuz muloqotlari davom etmoqda. Bugun 11-maktabgacha ta’lim tashkilotida o‘tkazilgan muloqot ham shular jumlasidan.

Mutaxassislar muloqot davomida yurtimizda iste’molchilik ijtimoiy harakatining vujudga kelishi va rivojlanishi, iste’molchilarning huquqlarini himoya qilish to‘g‘risidagi amaldagi qonunchilik asoslari, Federatsiya va uning hududiy organlari faoliyati to‘g‘risida tushuntirishlar va axborotlar berilmoqda. Bu esa mazkur tizimlarda faoliyat olib borayotgan xodimlarni huquqiy bilimi va iste’mol madaniyatini oshirish, ularning huquq va manfaatlarini himoya qilinishida ijtimoiy sheriklik va hamkorlikda ish olib borishga zamin yaratmoqda.

Muloqotlar doirasida iste’molchilarni sohaga oid masalalarda qiynab turgan muayyan muammolar yuzasidan huquqiy maslahatlar berilmoqda, o‘rganishni talab qiladigan murojaatlari esa o‘rganib hal qilish uchun qayd qilib borilmoqda.

Isomiddin Abbosov
O‘zbekiston tuman IHHQ jamiyati mutaxassisi