Молиявий саводхонликни тарғиб қилишга қаратилган тадбир бўлиб ўтди

Бугун Фарғона политехника институтида Ўзбекистон истеъмолчилар ҳуқуқларини ҳимоя қилиш жамиятлари федерацияси Фарғона вилоят ҳудудий бирлашмаси ҳамда Марказий банк вилоят бош бошқармаси ҳамкорлигида “Келажагимиз бўлган ёшлар молиявий саводхон бўлмоғи зарур” номли лойиҳаси доирасида семинар тренинг бўлиб ўтди.

Тадбирда лойиҳа тренерлари: бош бошқарма ижро аппарати раҳбари Рахматжон Боборахимов ва ҳудудий бирлашма сектор бошлиғи Ғайрат Маматкуловлар томонидан талабаларга молиявий хизматларнинг кредитлар, омонатлар, валюта айирбошлаш, пул ўтказмалари, пластик карточкалардан фойдаланиш, суғурта, лизинг, брокерлик, ломбардлар фаолиятига оид масалаларда атрофлича тушунтиришлар бериб ўтилиб, уларнинг бу борадаги ҳуқуқий билимларини ошириш, саводхон бўлишга чорлаш билан бир қаторда, ушбу йўналишлардаги турли фирибгарликлардан, кибержиноятлардан эҳтиёт бўлиш юзасидан тавсия ва кўрсатмалар ҳам бериб ўтилди.

Шунингдек, тадбир доирасида ҳудудий бирлашманинг медиа тадбирлар режаси асосида «Федерация ва унинг ҳудудий ташкилотлари томонидан Ўзбекистон Республикасининг “Ижтимоий шериклик тўғрисида”ги қонуни билан берилган ҳуқуқ ва имкониятлардан қай даражада фойдаланилмоқда?» мавзусидаги очиқ мулоқот ҳам бўлиб ўтди.

Тадбир давомида иштирокчиларни қизиқтирган саволларга жавоблар қайтарилиб, унда фаол иштирок этган талабаларга китоблар совға қилинди.

* Loyiha O‘zbekiston Rezpublikasi Oliy Majlisi huzuridagi NNTlarni va fuqarolik jamiyatining boshqa institutlarini qo‘llab-quvvatlash jamoat fondidan ajratilgan grant asosida amalga oshirilmoqda.