Саводхон истеъмолчининг 7 одати (инфографика)

Харид қилаётганда шунчаки пул тўлашнинг ўзи етарли эмас.

Саводхон истеъмолчи ҳар бир харид олдидан муҳим жиҳатларни текширади ва ўз ҳуқуқларини билади.

Чек олади — харидни тасдиқловчи муҳим далилни сақлаб қўяди.

Шартларни ўқийди — шартнома, кафолат ва фойдаланиш қоидаларини диққат билан кўриб чиқади.

Нархларни солиштиради — харид қилишдан олдин турли таклифларни таққослайди.

Товар маълумотини текширади — маҳсулотнинг муҳим хусусиятлари, ишлаб чиқарувчиси ва бошқа маълумотларга эътибор беради.

Кафолатни сўрайди — кафолат муддати ва шартларини олдиндан аниқлаштиради.

Шошилиб пул ўтказмайди — сотувчи ва таклифнинг ишончлилигини текширгач, тўловни амалга оширади.

Ҳуқуқини билади — муаммо юзага келганда ўз қонуний ҳуқуқ ва манфаатларини ҳимоя қилади.

Эсингизда тутинг: саводхон истеъмолчи — ўз манфаатларини биладиган, харидга масъулият билан ёндашадиган ва ҳуқуқларини ҳимоя қила оладиган истеъмолчидир!