NNTlar o‘rtasida «Zakovat» intellektual o‘yini o‘tkazildi

O‘zbekiston nodavlat notijorat tashkilotlari milliy assosiasiyasi tashabbusi bilan nodavlat notijorat tashkilotlari jamoalari o‘rtasida «Zakovat» intellektual o‘yini o‘tkazildi.

Farg‘ona shahridagi Ahmad Farg‘oniy nomidagi viloyat Axborot-kutubxona markazida bo‘lib o‘tgan mazkur intellektual o‘yinda viloyatdagi nodavlat notijorat tashkilotlari vakillaridan tashkil topgan 6 ta jamoalar ishtirok etdi.

Hududiy birlashma va tuman (shahar) jamiyatlarida mehnat faoliyati olib borayotgan, asosan yoshlardan iborat tarkibdagi, «Himoyachi» jamoamiz mazkur bellashuvda faxrli 2-o‘rinni qo‘lga kiritdi.

Fursatdan foydalanib, hududiy birlashma jamoasining muvaffaqiyatli ishtirokini ta’minlagan jamoa a’zolari: Shahlo Kasimova (hududiy birlashma), Dilnoza Abduraxmonova (Toshloq t.), Saidxon Xapizov (Marg‘ilon sh.), Sardor Mirzajonov (Uchko‘prik t.) va Husniddin Mo‘ydinovlarga (Furqat t.) hududiy birlashma ma’muriyati nomidan minnatdorchilik bildiramiz.