Suyultirilgan uglevodorod gazi belgilangan muddatlarda va hajmlarda iste’molchilarga yetkazib berilyaptimi?

Farg‘ona tuman iste’molchilar huquqlarini himoya qilish jamiyati mutaxassislari aholi murojaatlaridan kelib chiqqan holda, Yuqori Vodil mahalla fuqarolar yig‘ini hududiga suyultirilgan uglevodorod gazini amaldagi tartib qoidalar talablari asosida yetkazib berilishi bo‘yicha o‘rganish olib bormoqdalar.

Shu maqsadda, gaz idorasi mas’ullari tomonidan O‘zbekiston Respublikasi Vazirlar Mahkamasining 2018 yil 10 avgustdagi 646-son qarori bilan tasdiqlangan «Aholi va ijtimoiy soha ob’ektlariga kundalik hayotda foydalanish uchun suyultirilgan uglevodorod gazini yetkazib berish tartibi to‘g‘risida»gi nizom talablariga amal qilinishi kuzatuv asosida o‘rganib borilmoqda.

Kuzatuv ishlari bilan suyultirilgan uglevodorod gazini iste’molchilar bilan tuzilgan shartnomalarda belgilangan muddat va hajmlarda yetkazib berilishi, yetkazib berilgan uglevodorod gazi uchun hisob-kitob ishlarini amalga oshirilishida iste’molchilarga yaratilgan qulayliklar, shartnomaga binoan iste’molchilar o‘zlarining huquqlaridan samarali va o‘rinli foydalana olayotganliklari kabi holatlar tahlil qilib borilmoqda.

Jahongir Nishonboyev
Farg‘ona tuman IHHQ jamiyati bosh mutaxassisi