Farg‘ona viloyatida 840 ta holatda iste’molchilarning buzilgan huquqlari himoya qilindi

O‘zbekiston iste’molchilar huquqlarini himoya qilish jamiyatlari federatsiyasi Farg‘ona viloyat hududiy birlashmasi tizimiga 2022 yil davomida fuqaro (iste’molchi)lardan jami 840 ta murojaat kelib tushgan. Mazkur murojaatlarning 99,5 foizi ijobiy hal etilishi natijasida iste’molchilar foydasiga jami 1 milliard 026 million 380 ming 749 so‘m yetkazilgan zarar qayta hisob-kitob qilib berildi.

– Shundan 2 ta holatda tuman, shahar iste’molchilar huquqlarini himoya qilish jamiyatlari tomonidan sudlarga da’vo arizalari kiritildi, – deydi hududiy birlashma raisi Ahrorjon Raxmonaliev – Natijada iste’molchilarning buzilgan huquqlari sudlarda himoya qilindi, tiklandi va eng asosiysi 9 million 500 ming so‘m miqdorida iste’molchilar ko‘rishi mumkin bo‘lgan zararlarning oldi olingan bo‘lsa, 5 ta holatda esa nazorat qiluvchi organlar yordamida iste’molchilarning 15 million 487 ming 820 so‘m miqdoridagi huquqlari tiklab berilgan.

Iste’molchilardan kelib tushgan murojaatlar tahlil etilganda, ularning aksariyati gaz ta’minoti (35,1 foiz), savdo (24,3 foiz), elektr ta’minoti (8,8 foiz), suv ta’minoti (7,8 foiz), xizmat ko‘rsatish (servis) (5,3 foiz), kommunal xizmat ko‘rsatish (2,2 foiz), aloqa (2,3 foiz), sog‘liqni saqlash (1,2 foiz), transport (1,5 foiz) va boshqa sohalarga (11,5 foiz) to‘g‘ri keladi.

Sohalar bo‘yicha murojaatlar dinamikasiga e’tibor qaratilsa, 2020-2022 yillar davomida faqatgina gaz ta’minoti masalalaridagi murojaatlar sonida keskin o‘zgarishlar bo‘lganligi kuzatiladi. 2021 yilda bu boradagi murojaatlar 2020 yilga nisbatan 3,5 barobarga ortgan bo‘lsa, 2023 yilda ushbu yo‘nalishda biroz pasayish kuzatildi, lekin boshqa murojaatlarga nisabatan ularning ulushi yuqoriligicha qolmoqda (jami murojaatlarning 35,1 foiz). Boshqa yo‘nalishdagi murojaatlar sonida esa keskin o‘zgarishlar kuzatilgani yo‘q (1-infografikaga qarang).

<div class=»flourish-embed flourish-chart» data-src=»visualisation/12419536″><script src=»https://public.flourish.studio/resources/embed.js»></script></div>

Murojaatlarning kelib tushish manbalariga to‘xtalib o‘taylik. Ularning aksariyati yoki 56,3 foizi hududiy birlashma va tuman (shahar) jamiyatlariga to‘g‘ridan-to‘g‘ri murojaatlarni tashkil qilgan bo‘lsa, 35 foizi Federatsiya ishonch telefoni orqali, 3,2 foizi Federatsiya telegram boti, 2,9 foizi Prezident portali, 2,6 foizi esa Bosh prokuratura ishonch telefoni orqali kelib tushgan (2-infografikaga qarang).

<div class=»flourish-embed flourish-chart» data-src=»visualisation/12420018″><script src=»https://public.flourish.studio/resources/embed.js»></script></div>

Ma’lumot uchun, O‘zbekiston iste’molchilar huquqlarini himoya qilish jamiyatlari federatsiyasi jamoat birlashmasi shaklidagi nodavlat notijorat tashkiloti hisoblanadi.

Hududiy birlashma Axborot xizmati