Яна икки ҳудудда “Мен ёш истеъмолчиман” иншолар танловининг биринчи босқичи якунига етди

Ўзбекистон истеъмолчилар ҳуқуқларини ҳимоя қилиш жамиятлари федерацияси ташаббуси билан умумтаълим мактабларининг юқори синф ўқувчилари ўртасида “Мен ёш истеъмолчиман” уч босқичли республика иншолар кўрик-танловининг туман (шаҳар) босқичлари ўтказилаётганлиги ҳақида хабарлар бериб бормоқдамиз. Ҳудудларда ушбу тадбирлар жорий йилнинг 25-март кунига қадар давом этиб, 26-март кунидан танловнинг вилоят босқичи старт олади.

Марғилон шаҳри

Кўрик-танлов Марғилон шаҳрида ҳам уюшқоқлик билан ўтказилиб, унинг натижаларига кўра, 19-умумтаълим мактаби ўқувчиси Ҳалимахон Раҳмоналиева томонидан ёзилган иншо биринчи, 27-умумтаълим мактаби ўқувчиси Макнуна Абдуваҳобова томонидан ёзилган иншо иккинчи ва 18-умумтаълим мактаби ўқувчиси Мадинабону Аҳмадова томонидан ёзилган иншо эса учинчи ўринга лойиқ деб топилиб, танлов ташкилотчиси – шаҳар истеъмолчилар ҳуқуқларини ҳимоя қилиш жамиятининг фахрий ёрлиқ ва эсдалик совғалари билан тақдирланди.

Риштон тумани

Риштон туманида ҳам “Мен ёш истеъмолчиман” уч босқичли республика иншолар танловининг туман босқичи ниҳоясига етказилди. Унда тумандаги умумтаълим мактабларининг 60 дан ошиқ ўқувчилари ўзларининг мавзуга оид эркин фикр ва мулоҳазалари баён қилинган иншолари билан иштирок этдилар. Туман босқичи якунларига кўра, 65-умумтаълим мактаби ўкувчиси Набижонова Фарзона томонидан ёзилган иншо биринчи, 1-умумтаълим мактаби ўкувчиси Йўашбоева Оқилахон томонидан ёзилган иншо иккинчи, 2-умумтаълим мактаби ўкувчиси Йигиталиева Дилнура томонидан ёзилган иншо эса учинчи ўринга муносиб деб топилди. Ғолиблар туман жамиятининг фахрий ёрлиқ ва эсдалик совғалари билан тақдирландилар.