Qo‘mitaning viloyat hududiy boshqarmasi so‘rovi asosida o‘rganish o‘tkazildi

Raqobatni rivojlantirish va iste’molchilar huquqlarini himoya qilish qo‘mitasining Farg‘ona viloyat hududiy boshqarmasi so‘rovi asosida viloyatdagi savdo va xizmat ko‘rsatish ob’ektlarida iste’molchilarga amaldagi qonunchilik talablariga muvofiq sharoitlar yaratilganligi bo‘yicha, tanlama asosda, tuman (shahar) hududida umumiy ovqatlanish sohasida faoliyat olib borayotgan xo‘jalik yurituvchi sub’ektlarda, so‘rovga ilova qilingan savolnoma asosida o‘rganishlar o‘tkazildi.

O‘rganishlar doirasida viloyatdagi 66 ta umumiy ovqatlanish sohasida faoliyat olib borayotgan xo‘jalik yurituvchi sub’ektlar faoliyati bilan tanishildi. O‘rganish natijalari, ularning 24 tasi (36,4 % i)da korxona xaqidagi ma’lumotlar (pasporti) iste’molchilarga ko‘rinarli joyga qo‘yilmaganligini, 29 tasi (43,9 % i)da imkoniyati cheklangan shaxslar mazkur xizmatdan to‘sqinliklarsiz foydalanishlariga imkoniyat yaratib berishga xizmat qiluvchi panduslar tashkillanmaganligini, 24 tasi (37,9 % i)da mijozlarning avtomobillarini qo‘yishlari uchun avtomobillarni saqlash joylari yo‘qligini, 10 tasi (15,2 % i)da esa hojatxonalar mavjud emasligini ko‘rsatdi.

Shuningdek, sohada faoliyat olib borayotgan sub’ekt iste’molchiga o‘zi realizasiya qilayotgan tovar (ish, xizmat)lar haqida o‘z vaqtida zarur, to‘g‘ri va tushunarli ma’lumot berishi shartligi, mazkur ma’ulmotlar davlat tilida taqdim etilishi lozimligidan (bunda davlat tilida taqdim qilingan ma’lumot boshqa tillarda takrorlanishi mumkin) kelib chiqib, mijozlar uchun taomnoma (menyu)larning mavjudligi ko‘rilganida, sub’ektlarning 49 tasi (74,2 % i)da taomnomalar lotin shriftiga asoslangan o‘zbek (davlat) tilidaligi, 10 tasi (15,1 % i)da kirill shriftiga asoslangan o‘zbek (davlat) tilidaligi, 2 tasi (3 % i)da davlat tilida berilgan ma’lumotga qo‘shimcha rus tilida ham takrorlanganligi, 1 tasida faqat rus tilida berilganligi, 4 tasida esa taomnoma (menyu) mavjud emasligi kuzatilib, o‘rganish yakunlari asosida tayyorlangan jamlama ma’lumot Raqobat boshqarmasiga kiritildi.